యూఏఈ : ప‌విత్ర ర‌మదాన్ మాసం మార్చి 12 నుండి ప్రారంభమయ్యే అవకాశం ఉందని ఒక నిపుణుడు చెప్పారు. ఉపవాస మాసం 30 రోజులు ఉంటుందని భావిస్తున్నారు. దీని ఫలితంగా ఇస్లామిక్ పండుగ ఈద్ అల్ ఫితర్‌కు గుర్తుగా నివాసితులకు ఆరు రోజుల సెలవులు రావచ్చు. అయితే, పవిత్ర మాసం మరియు పండుగ వాస్తవ తేదీలు నెలవంక కనిపించిన సమయానికి లోబడి ఉంటాయి.  సాంప్రదాయ ఇస్లామిక్ హిజ్రీ క్యాలెండర్‌లో నెలల ప్రారంభ మరియు ముగింపు తేదీలను నిర్ణయిస్తారు. యూఏఈ లో చంద్రుని వీక్షణ కమిటీ మార్చి 10న సమావేశమవుతుందని భావిస్తున్నారు. ఒకవేళ గుర్తించినట్లయితే, మార్చి 11 ర‌మ‌దాన్ మొదటి రోజు అవుతుంది. మార్చి 12 ప‌విత్ర మాసం ప్రారంభ తేదీ అవుతుంది.

ఈద్ అల్ ఫితర్ కోసం 6 రోజుల సెలవు?
ఖగోళ శాస్త్ర లెక్కల ప్రకారం పవిత్ర మాసం 30 రోజులు ఉంటుందని నిపుణులు తెలిపారు. ఇది ఇలా ఉంటే ర‌మ‌దాన్ 30వ రోజు ( బుధవారం) ఏప్రిల్ 10న వస్తుంది.యూఏఈ ప్రభుత్వం ప్రభుత్వ మరియు ప్రైవేట్ రంగాలకు ప్రకటించిన సెలవుల జాబితా ప్రకారం.. నివాసితులు ఈద్ అల్ ఫితర్ జరుపుకోవడానికి ర‌మదాన్ 29 నుండి షవ్వాల్ 3 వరకు సెల‌వులు పొందుతారు. గ్రెగోరియన్ క్యాలెండర్‌లోని సంబంధిత తేదీలు ఏప్రిల్ 9 (ర‌మ‌దాన్ 29-బమంగళవారం), ఏప్రిల్ 13 (షవ్వాల్ 3-శనివారం) వరకు ఉంటాయి. ఆదివారం వారాంతం నేప‌థ్యంలో మొత్తంగా ఆరు రోజుల పాటు సెల‌వులు ఉంటాయి.