మస్కట్: సుల్తానేట్ ఆఫ్ ఒమన్‌లో విదేశీ ప్రత్యక్ష పెట్టుబడులు (ఎఫ్‌డిఐ) 2022 చివరి నాటికి OMR27.13 బిలియన్లకు చేరుకున్నాయి.  2021లో  OMR25.08 బిలియన్ల పెట్టుబ‌డులు వ‌చ్చాయి. నేషనల్ సెంటర్ ఫర్ స్టాటిస్టిక్స్ అండ్ ఇన్ఫర్మేషన్ (NCSI) జారీ చేసిన ప్రాథమిక డేటా ప్రకారం.. ఈ కీలక పెట్టుబడి ప్రవాహం ప్రస్తుత ధరల ప్రకారం స్థూల దేశీయోత్పత్తిలో 4.8 శాతంగా ఉంది. 2022 చివరి నాటికి మొత్తం విదేశీ పెట్టుబడిలో ఎఫ్‌డిఐ 75.9 శాతంగా ఉంది. అత్యధికంగా చమురు మరియు గ్యాస్ సెక్ట‌ర్ OMR15.32 బిలియన్ల విలువ కలిగిన మొత్తం విదేశీ పెట్టుబడిలో 56.4 శాతం విదేశీ పెట్టుబడులను ఆకర్షించింది. పరిశ్రమలు OMR2.37 బిలియన్లు, రియల్ ఎస్టేట్, లీజింగ్ మరియు వాణిజ్య ప్రాజెక్టుల కార్యకలాపాలలో  OMR1.11 బిలియన్ల పెట్టుబ‌డులు వ‌చ్చాయి. పెట్టుబ‌డులు పెట్టిన వాటిల్లో యునైటెడ్ కింగ్‌డమ్ OMR9.62 బిలియన్లను అందించగా.. యునైటెడ్ స్టేట్స్ ఆఫ్ అమెరికా OMR3.68 బిలియన్, చైనా OMR1.03 బిలియన్లతో ఆ తర్వాతి స్థానంలో ఉన్నాయి.