కువైట్: నేషనల్ ఎలిజిబిలిటీ ఎంట్రన్స్ టెస్ట్ (NEET) యూజీ 2024 కోసం నేషనల్ టెస్టింగ్ ఏజెన్సీ (NTA) కువైట్‌తో సహా 14 దేశాల‌లో ఎగ్జామ్ సెంటర్ల‌ను ఏర్పాటు చేయాల‌ని నిర్ణ‌యించింది. NEET UG దరఖాస్తు ఫారమ్ 2024ను ఇప్పటికే స‌మ‌ర్పించిన‌ విద్యార్థులు దరఖాస్తు క‌రెక్ష‌న్  సమయంలో పరీక్షా కేంద్రాలను మార్చుకోవచ్చని ఏజెన్సీ తెలియజేసింది. భార‌త్ వెలుప‌ల‌ కువైట్, దుబాయ్, అబుదాబి, షార్జా, బ్యాంకాక్, కొలంబో, దోహా, ఖాట్మండు, కౌలాలంపూర్, లాగోస్, మనామా, మస్కట్, రియాద్ మరియు సింగపూర్ ల‌లో ప‌రీక్ష‌లు నిర్వ‌హించ‌నున్నారు.  మ‌రోవైపు కువైట్‌లో ప‌రీక్ష కేంద్రం ఏర్పాటు చేయ‌డంపై భారతీయ విద్యార్థులు హ‌ర్షం వ్య‌క్తం చేశారు.