‘వర్షం’ సినిమాలో గోపీచంద్, ప్రబాస్ నటించిన సంగతి తెలిసిందే. పవర్ ఫుల్ విలన్ రోల్‌లో గోపీచంద్ కనిపించాడీ సినిమాలో. తెరపై హీరో, విలన్లుగా నటించిన ఈ ఇద్దరూ తెర వెనక రియల్ స్టోరీలో చాలా చాలా మంచి స్నేహితులు.

కేవలం సహ నటీనటులు మాత్రమే కాదు, వీరిద్దరి మధ్య మంచి స్నేహ బంధం వుందట. ఒకరి మాటంటే ఇంకొకరికి అమితమైన గౌరవం.. అభిమానం. బెస్ట్ ఫ్రెండ్స్ అంటే ఇలాగే వుంటారా.? ఇలాగే వుండాలి.. అనేంత బాండింగ్ వుంది వీరిద్దరి మధ్యా.

అయితే, ఫ్యాన్స్‌కి మాత్రం వీరిద్దరూ కలిసి మరోసారి స్ర్కీన్ షేర్ చేసుకుంటే బావుంటుందని వుంటుంది. కానీ, ఇఫ్పుడు గోపీచంద్ హీరో పాత్రలు మాత్రమే చేస్తున్నాడు. కెరీర్ మొదట్లో విలన్‌గా పరిచయమైనప్పటికీ ఇప్పుడు హీరోగానే సెటిలైపోయాడు.

ప్రబాస్‌తో కలిసి తనకూ ఓ సినిమా చేయాలని వుందని ఇటీవల ఓ ఇంటర్వ్యూలో చెప్పాడు గోపీచంద్. కానీ, అలాంటి ఓ ప్రాజెక్ట్ సెట్ కావాలిగా. కేవలం హీరోగానే కాదు, ప్రబాస్‌కి విలన్‌గా నటించడానికైనా తాను సిద్ధమే అంటున్నాడట.

లేదంటే గెస్ట్ రోల్ అయినా నాకు ఓకే అంటున్నాడు. మరింకేం, మేకర్లు ఆ పనిలో వుంటే, ఓ మంచి మల్టీ స్టారర్ కాంబినేషన్‌ని సినీ ప్రియులు ఎంజాయ్ చేసే అవకాశం కల్పించినట్లే.!