మిల్కీ బ్యూటీ అని సంబోధించడం తమన్నాకి అస్సలు నచ్చదు కానీ, ఆమె మేని సౌందర్యం అందమైన ఆకృతిని చూసి అలా సంబోధించకుండా వుండలేరుగా ఫ్యాన్స్.

తమన్నా నటించిన సినిమాలకు ఆమె గ్లామర్ ఓ స్పెషల్ అట్రాక్షన్ అవుతుందని చెప్పడం అతిశయోక్తి కాదేమో. అయితే, తమన్నాని డీగ్లామర్ రోల్‌లో ఊహించగలమా.?
ఊహించుకోవాలి. ఎందుకంటే, తమన్నా డీ గ్లామర్ రోల్ పోషించిన సినిమా ఒకటి త్వరలో రాబోతోంది. ఈ సినిమాలో శివ శక్తి పాత్రలో తమన్నా కనిపించబోతోంది. ప్రస్తుతం కాశ్మీర్‌లో షూటింగ్ జరుపుకుంటోన్న ఈ సినిమాకి మాస్ డైరెక్టర్ సంపత్ నంది నిర్మాతగా వ్యవహరిస్తున్నారు.

సంపత్ నంది దర్శకత్వం వహించిన ‘రచ్చ’ సినిమాలో తమన్నా హీరోయిన్‌గా నటించిన సంగతి తెలిసిందే. చాలా అందంగా చూపించాడు ఈ సినిమాలో తమన్నాని సంపత్ నంది.

ఇప్పుడు ఆయన నిర్మాణం వహిస్తున్న సినిమాలో తమన్నా ఓ ప్రయోగాత్మక రోల్‌లో కనిపించబోతోంది. అశోక్ చంద్ర ఈ సినిమాతో దర్శకుడిగా పరిచయం కాబోతున్నాడు. మిగతా వివరాలు త్వరలో వెల్లడి కానున్నాయ్.