యూఏఈ: మంగళవారం తెల్లవారుజామున అల్ ఐన్ ప్రాంతంలో వడగళ్ల వాన కురుస్తుండడంతో నివాసితులు మేల్కొన్నారు. అలాగే అబుదాబి, రస్ అల్ ఖైమా మరియు షార్జాలోని కొన్ని ప్రాంతాల్లో రాత్రంతా ఎడతెగని వర్షం కురిసింది. దుబాయ్‌లోని నివాసితులు ఉరుములు మరియు తేలికపాటి వర్షం కురిసిందని తెలిపారు. యూఏఈ నేషనల్ సెంటర్ ఆఫ్ మెటియరాలజీ (NCM) వాతావరణ పరిస్థితుల గురించి హెచ్చరిక జారీ చేసింది,.అబుదాబి మరియు ఫుజైరాలోని వివిధ ప్రాంతాల్లో భారీ వర్షాలు కురిసే అవకాశం ఉందని, దుబాయ్‌లో కూడా చెదురుమదురు వర్షాలు కురుస్తాయని పేర్కొంది. భారీ వర్షాలు మరియు బలమైన గాలుల సమయంలో ప్రజలు జాగ్రత్తలు తీసుకోవాలని వాతావరణ శాఖ పేర్కొంది.  ప్రతికూల వాతావరణంలో వాహనదారులు ట్రాఫిక్ నిబంధనలు పాటించాలని కోరారు. అబుదాబి పోలీసులు అలెర్ట్ జారీ చేశారు. వాహనాల వేగాన్ని తగ్గించాలని సూచించారు. అబుదాబి - అల్ ఐన్ రహదారి (అల్ హఫర్ బ్రిడ్జ్ - బనియాస్ బ్రిడ్జ్) మరియు మక్తూమ్ బిన్ రషీద్ రోడ్ (అల్ షహమా బ్రిడ్జ్ - 80 కి.మీ./గం. అల్ నౌఫ్ వంతెన) లపై వేగ పరిమితులను తగ్గించారు. మరోవైపు నివాసితులు అప్రమత్తంగా ఉండాలని అంతర్గత వ్యవహారాల మంత్రిత్వ శాఖ సూచించింది.