విజయ్ దేవరకొండకు ఈ మధ్య ఏదీ కలిసి రావడం లేదు. ‘ఖుషి’తో చాలా చాలా కష్టపడ్డాడు కానీ, ఫలితం ఆశించదగ్గ రీతిలో రాలేదు. ఇప్పుడు ‘ఫ్యామిలీ స్టార్’ అంటూ వస్తున్నాడు.

సూపర్ హిట్ కాంబో అయిన పరశురామ్, విజయ్ దేవరకొండ కాంబినేషన్‌లో వస్తున్న చిత్రమిది. అంచనాలు బాగానే వున్నాయ్. మొన్నామధ్య గ్లింప్స్ రిలీజైంది. పాజిటివ్ రెస్పాన్సే అందుకుంది.

తాజాగా టీజర్ రిలీజ్ చేశారు. ఇంట్లో వాళ్ల పట్ల మరీ ముఖ్యంగా భార్య పట్ల సాఫ్ట్‌గా వుండే భర్తగా విజయ్ దేవరకొండ కనిపిస్తున్నాడీ సినిమాలో.

ఆఖరికి భార్యని ఆఫీస్‌లో డ్రాప్ చేయాలంటే, బండిలో లీటరు పెట్రోల్ కోసం డబ్బులు భార్యనే అడిగే భర్త పాత్ర అది. కానీ, బయట మాత్రం మనోడు ఫుల్ రఫ్ అండోయ్.

బీభత్సమైన ఫైట్లు గట్రా చేసేస్తుంటాడు. ఇలా ఓ వైపు మాస్, మరోవైపు క్లాస్.. ఫ్యామిలీని ఎట్రాక్ట్ చేసే ఎలిమెంట్స్‌తో ‘ఫ్యామిలీ స్టార్’ సినిమా తెరకెక్కింది. వచ్చే నెలలో ఈ సినిమా ప్రేక్షకుల ముందుకు రానుంది. లక్కీ బ్యూటీ మృణాల్ ఠాకూర్ హీరోయిన్‌గా నటించింది. మరీ, ఆ లక్కు మన ఫ్యామిలీ స్టార్‌కి చిక్కుతుందో లేదో చూడాలిక.!