రియాద్: 2023 చివరి నాటికి మహిళల యాజమాన్యంలోని సంస్థలు మరియు కంపెనీల వాణిజ్య రికార్డుల సంఖ్య 476,040కి చేరుకుందని వాణిజ్య మంత్రిత్వ శాఖ వెల్లడించింది. ఇది సౌదీ అరేబియాలోని వ్యవస్థాపక ల్యాండ్‌స్కేప్‌లో మహిళల పెరుగుతున్న పాత్రను హైలైట్ చేస్తుందని ఇటీవల తన నివేదికలో వెల్లడించింది. అంతర్జాతీయ మహిళా దినోత్సవం సందర్భంగా ఈ మేరకు ప్రకటన విడుదల చేసింది. మహిళల ఆర్థిక భాగస్వామ్యానికి మద్దతు ఇవ్వడంలో రాజ్యం యొక్క పురోగతిని సాధిస్తుందని తెలిపింది. రియాద్ రిజియన్ అత్యధికంగా 124,107 మహిళల వాణిజ్య రికార్డులతో అగ్రస్థానంలో ఉందని, మక్కా ప్రాంతం 106,818, తూర్పు ప్రాంతం 62,041లతో తర్వాతి స్థానంలో ఉన్నాయని పేర్కొంది. అసిర్ ప్రాంతం కూడా 37,671 రికార్డులతో ఐదవ స్థానంలో ఉందని తెలిపింది. ముఖ్యంగా హోల్‌సేల్ మరియు రిటైల్ ట్రేడ్, ఇన్ఫర్మేషన్ అండ్ కమ్యూనికేషన్స్ టెక్నాలజీ, అడ్మినిస్ట్రేటివ్ సర్వీసెస్, ప్రొఫెషనల్, సైంటిఫిక్ మరియు టెక్నికల్ యాక్టివిటీస్, ట్రాన్స్‌పోర్టేషన్ అండ్ లాజిస్టిక్స్ సర్వీసెస్, రియల్ ఎస్టేట్ మరియు కన్‌స్ట్రక్షన్‌తో సహా వివిధ రంగాలలో మహిళల ఈ వాణిజ్య ప్రయత్నాలు విస్తరించాయని వెల్లడించింది.