దుబాయ్: దుబాయ్-అల్ ఐన్ రోడ్‌లోని వంతెన కింద నీటిలో మునిగిపోయిన వాహనంలో చిక్కుకున్న కుటుంబాన్ని దుబాయ్ పోలీసుల అత్యవసర ప్రతిస్పందన బృందం రక్షించింది. ఈ వారాంతంలో యూఏఈ అంతటా కురిసిన భారీ కుండపోత వర్షాల కారణంగా వంతెన కింద ఉన్న రహదారి జలమయమైంది. సోష‌ల్ మీడియా X లో అధికారులు విడుదల చేసిన ఫుటేజీలో.. రెస్క్యూ టీమ్  పడవతో భారీగా వరదలు ఉన్న ప్రాంతం నుండి ప్రజలను సురక్షితంగా బయటకు తీసుకురావ‌డం కనిపించింది. నీట మునిగిన కారును కూడా బృందం బయటకు తీశారు. భారీ వర్షాల కారణంగా యూఏఈ అంతటా అనేక ప్రాంతాలు ముంపునకు గురవుతున్నందున, నివాసితులు ఇళ్లలోనే ఉండాలని మరియు నీటితో నిండిన ప్రాంతాలకు దూరంగా ఉండాలని హెచ్చరికలు జారీ చేశారు.