కావలసిన పదార్థాలు: చికెన్‌ ముక్కలు: అరకప్పు(ఉడికించుకోవాలి), గుడ్లు: ఐదు లేక ఆరు, ఉల్లిపాయ పెద్దది: ఒకటి(సన్నగా తరిగిపెట్టుకోవాలి), టమోటా పెద్దది: ఒకటి(ముక్కలుగా చేసుకోవాలి), పచ్చిమిరపకాయలు: నాలుగు లేక ఐదు(ముక్కలు చేసుకోవాలి), బ్లాక్‌ మిరియాల పొడి: రెండు స్పూన్లు, చాట్‌మసాలా: టేబుల్‌ స్పూను, తురిమిన చీజ్‌, ఉప్పు: రుచికి సరిపడా, అల్లం వెల్లుల్లి పేస్ట్‌:రెండు టేబుల్‌ స్పూన్లు, కొత్తిమీర తరుగు: కొద్దిగా, ఆలివ్‌ ఆయిల్‌: పావుకప్పు, పాలు: పావుకప్పు. కారం: టేబుల్‌ స్పూను, పసుపు: చిటికెడు

తయారీ విధానం: ముందుగా మందపాటి గిన్నె తీసుకుని అందులో ఆలివ్‌ ఆయిల్‌ వేసి కాగిన తరువాత ఉల్లిపాయ ముక్కలు, పచ్చిమిరపకాయ ముక్కలు వేసి దోరగా వేయించుకోవాలి. ఇప్పుడు అల్లం వెల్లుల్లి ముద్ద వేసి మరికొద్ది సేపు వేయించుకోవాలి. టమోటాలు ఉడుకుతున్న సమయంలో ఉప్పు, పసుపు వేసి మరికొద్దిసేపు వేయించాలి. అనంతరం ఉడికించిన చికెన్‌ ముక్కలు, మిరియాల పొడి, చాట్‌ మసాలా వేసి మూత పెట్టి ఐదు నిమిషాల పాటు ఉడికించాలి. చికెన్‌ ఉడుకుతున్న సమయంలో వేరొక గిన్నెలో గుడ్లు పగలకొట్టి, వాటికి పాలు జత చేసి బాగా గిలక్కొట్టుకుని చికెన్‌ కవర్‌ చేస్తూ పైన పోయాలి. కొద్దిసేపు మూత పెట్టి దించేసుకోవాలి. చివరగా చీజ్‌ ముక్కలు, కొత్తిమీర, కొన్ని ఉల్లిపాయ ముక్కలు, టమోటాలు పైన చల్లుకుంటే సరిపోతుంది