శ్రీ విష్ణు సినిమాలకి సెపరేట్ ఫ్యాన్ బేస్ వుంటుంది. ఎందుకంటే.. అతని సినిమాల్లో కంటెంట్ అలా వుంటుంది మరి. గతేడాది వచ్చిన ‘సామజవరగమన’ మంచి విజయం అందించింది శ్రీ విష్ణుకి. ఈ ఏడాది ‘ఓం భీమ్ భుష్’ అనే సినిమాతో రాబోతున్నాడు.
ఈ సినిమా టైటిల్ దగ్గర్నుంచీ ప్రచార చిత్రాల వరకూ చాలా ఇంట్రెస్ట్ క్రియేట్ చేస్తోంది. రేపే అనగా మార్చి 22న సినిమా ప్రేక్షకుల ముందుకు వస్తోంది. ఇంతవరకూ శ్రీ విష్ణు కెరీర్‌లో ఈ రేంజ్‌లో ఏ సినిమా విడుదల కాలేదు. భారీ ఎత్తున అత్యధిక సంఖ్యలో ధియేటర్లలో ఈ సినిమాని రిలీజ్ చేస్తున్నారట.
ఆ స్థాయిలో ఈ సినిమాకి ప్రీ రిలీజ్ బిజినెస్ జరిగిందనీ తెలుస్తోంది. లేటెస్ట్‌గా జరిగిన సెన్సార్ బోర్డ్ రిపోర్ట్ ప్రకారం సినిమా సూపర్ హిట్టు, బ్లాక్ బస్టర్.. అనే టాక్ బయటికి వచ్చేసింది. అంతేకాదు, సోలోగానే రిలీజ్ అవుతున్న ఈ సినిమాకి పోటీ లేకపోవడం.. ఈ టాక్‌కి మరింత బలం చేకూరినట్లే.
ఓ వైపు సమ్మర్.. మరోవైపు కూల్ కామెడీ.. ఇంకేముంది.! ఇలాంటి సినిమాలు ఈ సీజన్‌లో హిట్స్ అవ్వకుండా ఎందుకుంటాయ్ చెప్పండి. ఫుల్ లెంగ్త్ ఎంటర్‌టైనర్‌గా వస్తోన్న ‘ఓం భూమ్ భుష్’ సినిమా ఎలా వుండబోతోందో మరి కొద్ది గంటల్లోనే తెలిసిపోనుంది. లెట్స్ వెయిట్ అండ్ సీ.!