రియాద్లో అర్హత లేని ఆరోగ్య నిపుణులు అరెస్ట్
- March 27, 2024రియాద్: రియాద్లో అనేక మంది అర్హత లేని ఆరోగ్య నిపుణుల ఉల్లంఘనలను గుర్తించిన తర్వాత అరెస్టు చేసినట్లు సౌదీ ఆరోగ్య మంత్రిత్వ శాఖ ప్రకటించింది. అరెస్టు చేసిన వ్యక్తులపై అవసరమైన శిక్షార్హత చర్యలు తీసుకోవాలని పబ్లిక్ ప్రాసిక్యూషన్కు రిఫర్ చేశారు. రియాద్లోని హెల్త్ క్లినిక్లో ఒకరోజు శస్త్రచికిత్స విభాగం కూడా మూసివేయించారు. ఎటువంటి లైసెన్స్ లేకుండా స్కిన్ స్పెషలిస్ట్గా చెప్పుకుంటూ చికిత్సలు చేయడం వంటి ఉల్లంఘనలకు పాల్పడినట్లు తనిఖీలో గుర్తించినట్లు మంత్రిత్వ శాఖ వెల్లడించింది. ఆరోగ్య నియమాలు మరియు నిబంధనలకు కట్టుబడి ఉండాల్సిన అవసరాన్ని ఈ సందర్భంగా మంత్రిత్వ శాఖ గుర్తుచేసింది. హెల్త్కేర్ ప్రొఫెషన్స్ ప్రాక్టీసింగ్ చట్టంలోని ఆర్టికల్ టూ లైసెన్స్ పొందకుండా ఏ ఆరోగ్య వృత్తిని అయినా పాటించడాన్ని నిషేధించాలని చెబుతోందని పేర్కొంది. అదే చట్టంలోని ఆర్టికల్ 13 ఆ ప్రయోజనం కోసం నియమించబడిన ప్రదేశాలలో కాకుండా ఇతర ప్రదేశాలలో రోగులను పరీక్షించడాన్ని నిషేధిస్తుంది. రోగుల భద్రత, ప్రజారోగ్యం మరియు వైద్య వృత్తి గౌరవాన్ని కాపాడేందుకు ఆరోగ్య మంత్రిత్వ శాఖ అధికారులు కాలానుగుణ తనిఖీ పర్యటనలు నిర్వహించడం, వివిధ సోషల్ మీడియా ప్లాట్ఫారమ్లలో ప్రచురించబడిన వాటిని అనుసరించాలని సూచించింది.
తాజా వార్తలు
- ఒమన్ రియల్ ఎస్టేట్ ప్రాజెక్ట్లకు మంచి రోజులు..!
- జహ్రా గవర్నర్ను కలిసిన భారత రాయబారి
- 66కు పెరిగిన సౌదీ ఇ-విజిట్ వీసా పూల్ దేశాలు
- దుబాయ్లో కొత్త ట్రాఫిక్ ప్లాన్ కు ఆమోదం
- క్యాబిన్ క్రూ సంక్షోభం.. తగ్గనున్న ఎయిర్ ఇండియా సర్వీసులు..!
- షేక్ హజ్జా బిన్ సుల్తాన్ బిన్ జాయెద్ మృతికి సంతాపం తెలిపిన యూఏఈ ప్రెసిడెంట్
- దుబాయ్ లో పెరిగిన టాక్సీ ఛార్జీలు..!
- 'డార్క్ స్కై పాలసీ' ప్రకటించిన అబుదాబి
- ఎజార్: రెంటర్స్ నుండి ప్రాపర్టీ హామీ తప్పనిసరి..!
- విమాన ప్రమాదాల బాధితులకు సహాయం.. ప్రమాణాలపై అంతర్జాతీయ సదస్సు