గ్లోబల్ స్టార్ రామ్ చరణ్ బర్త్ డే సందర్భంగా అభిమానులు అనేక సేవా కార్యక్రమాలను ఎప్పటి నుంచో స్టార్ట్ చేశారు. ఓ పక్క ఆ కార్యక్రమాలు జరుగుతున్నాయ్. మరో పక్క ఆయన చేయబోయే కొత్త సినిమాల అప్‌డేట్ల కోసం ఫ్యాన్స్ ఈగర్‌గా ఎదురు చూశారు.
ఆ ఎదురు చూపులు ఫలించాయ్. ఆయన నటించిన ‘గేమ్ ఛేంజర్’ సినిమా నుంచి అప్డేట్ వచ్చింది. అదే ‘జరగండి.. జరగండి..’ లిరికల్ సాంగ్. ప్రభుదేవా కొరియోగ్రఫీలో డిజైన్ చేయబడిన ఈ సాంగ్‌లో రామ్ చరణ్ డిఫరెంట్ కాస్ట్యూమ్స్‌లో కనిపిస్తున్నారు.
జోడీగా కియారా అద్వానీ అందాలు ఈ పాటకు మరో ప్లస్ పాయింట్ అయ్యేలా కనిపిస్తున్నాయ్. ‘సిక్స్ ప్యాక్‌లో యముడండీ.. సిస్టమ్ మారితే మొగుడండీ..’ అంటూ సాగే లిరిక్స్‌తో బీభత్సమైన ఐ పీస్ట్ కానుంది ఈ సాంగ్ స్ర్కీన్‌పై అనిపించేలా వుంది.
థమన్ అందించిన మ్యూజిక్ అంత ఎఫెక్టివ్‌గా వున్నా లేకపోయినా.. శంకర్ మార్క్ విజువల్స్ మాత్రం బీభత్సంగా వుండబోతున్నాయని ఈ సాంగ్ కోసం వేసిన సెట్ చెబుతోంది. దాదాపు 16 కోట్ల బడ్జెట్‌తో ఈ సాంగ్‌కి ప్రత్యేకమైన సెట్ వేశారట.