దుబాయ్: దుబాయ్ ల్యాండ్ డిపార్ట్‌మెంట్ (DLD) స్థానికులకు మరిన్ని ఉద్యోగావకాశాలను కల్పించడానికి ఎమిరాటీ బ్రోకర్ల ద్వారా విక్రయించడానికి తమ ప్రాజెక్ట్‌లలో కొంత కోటాను కేటాయించడానికి తొమ్మిది ప్రైవేట్,  ప్రభుత్వ మద్దతు గల డెవలపర్‌లతో ఒప్పందం కుదుర్చుకున్నట్లు ఆదివారం తెలిపింది. ఎమ్మార్ ప్రాపర్టీస్, ఎక్స్‌పో దుబాయ్, దేయార్, డమాక్ ప్రాపర్టీస్, అజీజీ డెవలప్‌మెంట్స్, మ్యాగ్(MAG), శోభా రియల్టీ, ఎల్లింగ్టన్ ప్రాపర్టీస్ మరియు అల్ బైట్ అల్ దువాలీ రియల్ ఎస్టేట్ డెవలప్‌మెంట్‌తో కుదుర్చుకున్న ఒప్పందంలో, రెగ్యులేటర్ “10 శాతం కేటాయించడమే లక్ష్యం” అని చెప్పారు. వారి ప్రాజెక్ట్‌లలో 15 శాతం కోటా ఎమిరాటీ బ్రోకర్ల ద్వారా విక్రయించబడుతుందని తెలిపారు. స్థానిక ప్రతిభావంతులు రియల్ ఎస్టేట్‌లో ముందుకు సాగేందుకు వీలుగా "దుబాయ్ రియల్ ఎస్టేట్ ప్రోగ్రామ్"లో భాగంగా ఈ ఒప్పందంపై సంతకం చేశారు. రాబోయే నెలల్లో మరిన్ని డెవలపర్‌లతో ఒప్పందాలు కుదుర్చుకోవడం ద్వారా 9 కంపెనీల ఈ నెట్‌వర్క్‌ను విస్తరించాలని DLD లక్ష్యంగా పెట్టుకుంద‌ని దుబాయ్ ల్యాండ్ డిపార్ట్‌మెంట్ యాక్టింగ్ డైరెక్టర్ జనరల్ మర్వాన్ బిన్ ఘలిటా చెప్పారు.