‘అర్జున్ రెడ్డి’ సినిమాతో సెన్సేషనల్ హీరో అనిపించుకున్నాడు విజయ్ దేవరకొండ. సెన్సేషనల్ హిట్ అయితే కొట్టాడు కానీ, యూత్ స్టార్, రౌడీ స్టార్ అనే ట్యాగ్ మాత్రమే దక్కించుకున్నాడింతవరకూ.
కానీ, లేటెస్ట్ మూవీ ‘ఫ్యామిలీ స్టార్’ విజయ్ దేవరకొండ ట్యాగ్ మార్చేసింది. ఫ్యామిలీ ఆడియన్స్ ఈ సినిమాకి పోటెత్తుతున్నారు. ప్రీమియర్ షోలతో పాటూ, ఓపెనింగ్స్‌లోనూ ఫ్యామిలీ ఆడియన్స్ ఎక్కువగా కనిపిస్తుండడం విశేషం.
దీంతో ఇంతవరకూ రౌడీ.. రౌడీ అని పిలుచుకునే విజయ్ దేవరకొండ ‘ప్యామిలీ స్టార్’ అని పిలుచుకునే స్థాయికి వచ్చేశాడు. ఈ ట్యాగ్ రావడం ఏమంత ఈజీ టాస్క్ కాదు. కానీ, విజయ్ దేవరకొండ సాధించేశాడు. ఇకపోతే, ఈ సినిమాకి మిక్స్‌డ్ టాక్ వస్తోంది.
అయినా హాలీడేస్‌లో సినిమా కొట్టుకెళ్లిపోతుందనడం అతిశయోక్తి అనిపించదేమో. ఈ టైమ్‌లో ఇలాంటి ఓ కూల్ అండ్ క్లీన్ మూవీలు చాలా అరుదుగా వస్తున్నాయ్. డైరెక్టర్ పరశురామ్, అండ్ విజయ్ దేవరకొండ ఇంకాస్త దృష్టి పెట్టి వుంటే.. ఈ సినిమాకి అవుట్ పుట్ ఇంకా బాగా వచ్చి వుండేది అని ఫ్యామిలీ ఆడియన్సే రివ్యూలిస్తున్నారు. సో, విజయ్ విజయం సాధించినట్లే.!