‘డీజె టిల్లు’ బ్లాక్ బస్టర్ హిట్ కొట్టడంతో, ఎక్కువ వెయిట్ చేయించకుండా రెండో పార్ట్‌కి వెళ్లిపోయాడు సిద్దు జొన్నలగడ్డ. కథ, కాకరకాయ్ ఏమీ లేదు మా సినిమాకి.. అని చెబుతూనే ‘టిల్లు స్క్వేర్’తోనూ మరో బ్లాక్ బస్టర్ కొట్టేశాడు.
ఈ సినిమాకి ఫ్యామిలీ ఆడియన్స్ అస్సలు వెళ్లరనుకున్నారు మొదట్లో. కానీ, బాగానే ఎట్రాక్ట్ అయ్యారు. ఇక యూత్‌లో అయితే, విపరీతమైన క్రేజ్. హాలీడేస్‌ని ఈ సినిమా బాగా క్యాష్ చేసుకుంటోంది.
రెండో వారంలోనూ అదే హుషారు నడుస్తోంది. ఈ వారం ‘ఫ్యామిలీ స్టార్’ రిలీజైనప్పటికీ ‘టిల్లు స్క్వేర్’ చూసే ఆడియన్స్ కూడా బాగానే కనిపిస్తున్నారు ధియేటర్స్ వద్ద. వసూళ్లు బాగా వస్తున్నాయ్. మొదటి వారమే బ్రేక్ ఈవెన్ అయిపోయాడు టిల్లుగాడు.
ఇక, రెండో వారం కూడా పూర్తయిపోతోంది. ఈ వీకెండ్ కలెక్షన్లు కూడా బాగానే రాబట్టొచ్చని అంచనా వేస్తున్నారు ట్రేడ్ వర్గాలు. ఇప్పటికైతే 96 కోట్ల గ్రాస్ సాధించి త్వరలోనే వంద కోట్ల క్లబ్బులోకి దూకేసేలా వుంది ‘టిల్లు స్క్వేర్’. ఈ నేపథ్యంలోనే చిత్ర యూనిట్ ఓ సక్సెస్ మీట్ నిర్వహిస్తోంది.
గ్లోబల్ స్టార్ ఎన్టీయార్ ఈ సక్సెస్ మీట్‌కి ముఖ్య అతిధిగా వస్తుండడంతో ఈ విషయం ఇప్పుడు హాట్ టాపిక్ అయ్యింది.