సౌదీ: మక్కాలోని మస్జిద్ అల్ హరామ్ పై అంతస్తు నుంచి ఓ వ్యక్తి దూకినట్లు మక్కా ప్రాంతంలోని సెక్యూరిటీ అథారిటీ మంగళవారం ఉదయం ప్రకటించింది. ఆ వ్యక్తిని ఆసుపత్రికి తరలించారు. గ్రాండ్ మసీదు భద్రత కోసం ప్రత్యేక దళం కేసుపై దర్యాప్తు ప్రారంభించింది. ఆ వ్యక్తి ఎవరనేది మాత్రం వారు వెల్లడించలేదు.  

2017లో ఒక సౌదీ వ్యక్తి కాబా ముందు మసీదు ప్రాంగణంలో తనను తాను నిప్పంటించుకోవడానికి ప్రయత్నించాడు. కాని భద్రతా దళాలు అతన్ని అడ్డుకున్నాయి. 2018లో మూడు వేర్వేరు ఆత్మహత్యలకు సంబంధించిన సంఘటనలు జరిగాయి. జూన్ ప్రారంభంలో ఒక ఫ్రెంచ్ వ్యక్తి మసీదు పైకప్పుపై నుండి దూకి ఆత్మహత్య చేసుకున్నాడు. వారం రోజుల తర్వాత బంగ్లాదేశ్‌కు చెందిన వ్యక్తి కూడా అదే రీతిలో ఆత్మహత్య చేసుకున్నాడు. అదే సంవత్సరం ఆగస్టులో ఒక అరబ్ వ్యక్తి గ్రాండ్ మసీదు నుండి దూకి ఆత్మహత్య చేసుకున్నాడు.