పెంపుడు జంతువుల ఆరోగ్యం, సంరక్షణ కోసం ప్రతి సంవత్సరం ఏప్రిల్ 11న నేషనల్ పెట్ డేను జరుపుకుంటారు. ప్రతి ఏటా ఈ రోజున అవగాహన కార్యక్రమాలు నిర్వహిస్తున్నారు. జంతువుల ఆరోగ్యం, సంక్షేమంపై దృష్టి సారించడమే దీని లక్ష్యం. మరి దీనిని ఎప్పటినుంచి జరుపుతున్నారు. దాని చరిత్ర ఏంటి అనే ఆసక్తికరమైన విషయాలు ఇప్పుడు తెలుసుకుందాం.

కొలిన్ పైజ్ అనే జంతు ప్రేమికురాలు మరియు వాటి జీవన శైలి గురించి క్షుణ్ణంగా తెలిసిన నిపుణురాలు. ఆమె కృషి ఫలితంగానే  2006, ఏప్రిల్ 11న నేషనల్ పెట్ డే ఏర్పాటైంది. జంతు ప్రేమికులు తమ పెంపుడు సమక్షంలో ఈ దినోత్సవాన్ని ఘనంగా జరుపుకుంటారు. జంతువులను పెంచడం వల్ల ప్రజలు మానసికంగా, శారీరకంగా, ఆరోగ్యకరంగా ఉండటమే కాకుండా కొలస్ట్రాల్ , బీపీ  స్థాయిలు తగు మోతాదులో ఉన్నట్లు పలు జాతీయ సర్వేలు వెల్లడించాయి. 
 
                                         --డి.వి.అరవింద్(మాగల్ఫ్ ప్రతినిధి)