మిల్కీ బ్యూటీ తమన్నా పనైపోయిందనుకున్న ప్రతీసారీ మళ్లీ పడి లేచిన కెరటంలా ఉవ్వెత్తున లేచొస్తూనే వుంది. తాజాగా ‘బాక్’ సినిమాలో నటించింది. ఈ సినిమాలో చెల్లిలిగా, భార్యగా, తల్లిగా తనదైన నటనతో ఆకట్టుకున్న తమన్నా దెయ్యం పాత్రలోనూ పర్‌ఫామెన్స్ ఇరగదీసింది.

తమన్నా ప్రధాన పాత్రలో తెరకెక్కిన ఈ సినిమాకి ఆడియన్స్ నుంచి మంచి రెస్పాన్స్ వస్తోంది. సుందర్ సి దర్శకత్వంలో వచ్చిన ఈ సినిమా ఈ వారం రిలీజైన సినిమాల్లో ఒకటి. రెగ్యులర్ ఫార్మేట్‌కి భిన్నంగా హారర్ కథాంశంతో రూపొందడం, ఓ వైపు హాలీడే సీజన్ కావడంతో ఈ సినిమాకి ప్రేక్షకులు బాగా ఎట్రాక్ట్ అయ్యారు.

హారర్ సినిమాలకున్న కిక్.. ఈ సినిమాకి బాగా వర్కవుట్ అయ్యింది. టాక్ బాగుండడంతో ఆడియన్స్ ధియేటర్లకు బాగానే వచ్చే అవకాశాలున్నాయ్. అలాగే వెన్నెల కిషోర్, శ్రీనివాస్ రెడ్డి, కోవై సరళ వంటి కమెడియన్లు పీక్స్‌లో వినోదం పండించడంతో ఓ వైపు హారర్ ఫీల్, మరోవైపు కడుపుబ్బా నవ్వించే ఎంటర్‌టైన్‌మెంట్ వెరసి ‘బాక్’ సమ్మర్ వసూళ్లు బాగానే రాబట్టొచ్చు.

అన్నట్లు రాశీఖన్నా కూడా ఈ సినిమాలో ఇంపార్టెంట్ రోల్ పోషించింది. అయితే తమన్నా ముందు తేలిపోయింది. త్వరలోనే తమన్నా మరో డిఫరెంట్ మూవీ ‘ఓదెల 2’తోనూ ప్రేక్షకుల్ని పలకరించబోతోంది.