కంటెంట్ వున్న కథలతో మెప్పించుకుంటూ పోతున్నాడు హీరోగా సుహాస్. మొన్న ‘అంబాజీపేట మ్యారేజ్ బ్యాండ్’తో సూపర్ హిట్టు కొట్టిన సుహాస్, మళ్లీ ‘ప్రసన్నవదనం’తో ఇంకో హిట్టు కొట్టాడు. ఫేస్ బ్లైండ్‌నెస్ అనే వ్యాధితో బాధపడే వ్యక్తిగా తనదైన పర్‌ఫామెన్స్ ఇచ్చాడు సుహాస్.

ఏ పాత్రలోనైనా సెటిల్డ్ పర్‌పామెన్స్‌తో ఆకట్టుకునే సుహాస్ ఈ సినిమాలో ఓ వైపు రేడియో మిర్చిలో పని చేస్తూనే తనకు తోచినంతలో అందరికీ సాయం చేసుకుంటూ పోతుంటాడు. అలాగే అనుకోని పరిస్థితుల్లో అనుకోని సమస్యల్లో ఇరుక్కుంటాడు. తనకున్న అరుదైన వ్యాధితో ఆ సమస్యల నుంచి ఎలా బయటపడ్డాడు.? అనేది ‘ప్రసన్నవదనం’ కథ.

థ్రిల్లర్ మూవీస్‌కి ఈ మధ్య మంచి ఆదరణ దక్కుతోన్న సంగతి తెలిసిందే. ఆ కోవకే చెందిన ‘ప్రసన్నవదనం’కి మంచి మౌత్ టాక్ వచ్చింది. దాంతో, సమ్మర్ హాలీడేస్‌లో ఈ సినిమా కూడా బాగానే నిలదొక్కుకునే అవకాశాలున్నాయ్. కామెడీ, ఎమోషన్, యాక్షన్, థ్రిల్లింగ్, ఛేజింగ్. ఇలా అన్ని రకాల ఎమోషన్లు వుండడంతో సినీ ప్రియులు ఈ సినిమాని బాగానే ఆదరిస్తారని అంచనా వేయొచ్చు. చూడాలి మరి.