దుబాయ్: ఏప్రిల్‌లో ఒక భారతీయ గృహిణి తన భర్త నుండి వివాహ వార్షికోత్సవ బహుమతిగా నగదును అందుకుంది. ఆమె రాఫిల్ డ్రా టిక్కెట్‌ను కొనుగోలు చేయడానికి డబ్బును ఉపయోగించింది. మే 16న ఆ టిక్కెట్ ఆమెకు $1 మిలియన్‌ని తెచ్చిపెట్టింది.  పంజాబ్‌కు చెందిన పాయల్ పాయల్( 42) మే 3న ఆన్‌లైన్‌లో కొనుగోలు చేసిన టికెట్ నంబర్ 3337తో దుబాయ్ డ్యూటీ ఫ్రీ (DDF) మిలీనియం మిలియనీర్ సిరీస్ 461లో జాక్‌పాట్ కొట్టింది.   "నేను గెలిచిన టిక్కెట్‌ను కొనుగోలు చేయడానికి ఉపయోగించే డబ్బు నా భర్త (హార్నెక్ సింగ్) ఇచ్చాడు. అతను ఏప్రిల్ 20న మా 16వ వివాహ వార్షికోత్సవం సందర్భంగా నాకు Dh1,000 బహుమతిగా ఇచ్చాడు. ఆ డబ్బుతో ఆన్‌లైన్‌లో DDF టిక్కెట్‌ను కొనుగోలు చేయాలని భావించాను” అని రాఫిల్ డ్రా నిర్వాహకుల నుండి శుభవార్త విన్న తర్వాత పాయల్ చెప్పారు. పాయల్ తన పుట్టినరోజు 12న అని, తనకు ఇష్టమైన నంబర్ 3 అని, తాను గత 12 సంవత్సరాలుగా DDF టిక్కెట్లను కొనుగోలు చేస్తున్నానని చెప్పింది.     వచ్చిన డబ్బుతో ఆస్ట్రేలియాలో ఉన్న నా సోదరుడికి సహాయం చేస్తానని, తమ పంజాబీ కమ్యూనిటీలో కొన్ని స్వచ్ఛంద సేవా కార్యక్రమాలు చేయాలనుకుంటున్నట్టు తెలిపారు.  మిలీనియం మిలియనీర్ ప్రమోషన్‌ను గెలుచుకున్న 229వ భారతీయురాలు పాయల్.