బహ్రెయిన్‌, మంచితనం, సహకారం, సోదరభావం విషయంలో పూర్తిగా కమిట్‌ అయ్యిందనీ, అలాగే మోడరేట్‌ అప్రోచ్‌, మానవీయ విలువల విషయంలో ఎంతో ఉదారంగా వ్యవహరిస్తుందని కింగ్‌ హమాద్‌ బిన్‌ ఐసా అల్‌ ఖలీఫా చెప్పారు. పవిత్ర రమదాన్‌ మాసంలో ప్రజలతో మమేకమయ్యే అవకాశం దొరకడం అద్భుతమని ఆయన అన్నారు. దేశంలో ప్రతి ఒక్కరూ భద్రతతో, సంతోషంతో జీవించగలుగుతున్నామని ఆయన తెలియజేశారు. బహ్రెయిన్‌, ఇతర దేశాలతో సన్నిహిత సంబంధాలు కొనసాగించడంలో ఎప్పుడూ ముందుంటుందని, ఈ సందర్భంగా డిప్లమాట్స్‌ని తగు రీతిలో గౌరవిస్తుందని కింగ్‌ హమాద్‌ చెప్పారు. వివిధ రంగాల్లో పొరుగు దేశాలు, ఇతర దేశాలకు సహాయ సహకారాలు అందించేందుకు బహ్రెయిన్‌ సిద్ధంగా ఉంటుందని ఆయన వివరించారు.