స్టైలిష్ స్టార్ అల్లు అర్జున్ ప్రస్తుతం ‘పుష్ప 2’లో నటిస్తున్న సంగతి తెలిసిందే. జాతీయ ఉత్తమ నటుడు అవార్డు గ్రహీత అయిన అల్లు అర్జున్ లిస్టులో ప్రస్తుతం చాలానే ప్రాజెక్టులున్నాయ్.

సందీప్ రెడ్డి వంగా దర్శకత్వంలో ఓ ప్రాజెక్ట్ చర్చల దశలో వుంది. అలాగే, ప్రశాంత్ నీల్‌తో ఓ సినిమా చేయాల్సివుంది.

అలాగే, ఫెయిల్యూర్ ఎరగని దర్శకుడు తమిళంలో స్టార్ హీరోలతో వరుసగా సినిమాలు తెరకెక్కించి, ఈ మధ్యనే బాలీవుడ్ బాద్షా షారూఖ్ ఖాన్‌తో ‘జవాన్’ వంటి హిట్ కొట్టిన అట్లీ కాంబినేషన్‌లోనూ అల్లు అర్జున్  సినిమా ఈ మధ్య ప్రచారంలో నిలిచింది.

అయితే, ఇప్పుడా ప్రాజెక్ట్ విషయంలో కాస్త గందరగోళం నెలకొంది. రెమ్యునరేషన్ విషయమై చిన్న కిరికిరి నడవడంతో అట్లీ ఈ ప్రాజెక్ట్ వదిలేసుకున్నాడన్న వార్త తాజాగా ప్రచారంలోకి వచ్చింది.

అయితే, అల్లు అరవింద్ సొంత బ్యానర్‌లో రూపొందబోయే సినిమా ఇది. ఈ నేపథ్యంలో రెమ్యునరేషన్ సమస్య ఎందుకుంటుంది.? అందులోనూ అట్లీ పక్కా సక్సెస్ డైరెక్టర్. సో, అది ఇష్యూనే కాదు, అలాంటిది ఈ దుష్ప్రచారం ఎందుకు తెరపైకి వచ్చిందో తెలీదు కానీ, ప్రస్తుతం అల్లు అర్జున్‌కి సంబంధించి ఒకింత దుష్ప్రచారం జరుగుతోంది.

అందుకు పలు రకాల కారణాలుండొచ్చు. కానీ, ఈ ప్రచారంలో నిజమెంతో తెలియాలంటే కాస్త వెయిట్ చేయాల్సిందే.