మస్కట్: సికిల్ సెల్ అనేది వంశపారంపర్య రుగ్మత. ఇది వారి తల్లిదండ్రుల నుండి పిల్లలకు సంక్రమిస్తుంది. ఇది వచ్చిన వారు జీవితాంతం చికిత్స తీసుకోవాలని ఒమన్‌లోని సుల్తాన్ కబూస్ యూనివర్శిటీ హాస్పిటల్‌లోని ప్రొఫెసర్ మరియు కన్సల్టెంట్ హెమటాలజిస్ట్ డాక్టర్ సలామ్ అల్ కిండి తెలిపారు.మస్కట్‌లో 'షేప్' పేరుతో జరిగిన సమావేశంలో ఆయన ఈ మేరకు తెలిపారు. "ఒమానీ జనాభాలో 6 శాతం మంది సికిల్ సెల్ జన్యువును కలిగి ఉన్నారు.  జనాభాలో 0.2 మరియు 0.3 శాతం మధ్య ఈ వ్యాధి రోగులు ఉంటారు. ఈ వ్యాధి సోకిన రోగులు ఇతర GCC దేశాలు మరియు మధ్యధరా ప్రాంతాలలో కూడా కనిపిస్తారు. వాస్తవానికి, ఒమన్‌తో పోలిస్తే చాలా దేశాలు అధిక శాతాన్ని కలిగి ఉన్నాయి. ఒమన్‌లో సుమారు 8,000 మంది సికిల్ సెల్ అనీమియా రోగులు ఉన్నారు.  దేశవ్యాప్తంగా ఈ వ్యాధితో ప్రతి సంవత్సరం 100 నుండి 120 మంది పిల్లలు పుడుతున్నారు." అని డాక్టర్ అల్ కిండి చెప్పారు.

ఈ వ్యాధిని నియంత్రించడానికి తీసుకుంటున్న చర్యల గురించి మాట్లాడుతూ..  “పర్యవేక్షణతో పాటు వ్యాధి వచ్చే అవకాశాలను తనిఖీ చేయడానికి చర్యలు తీసుకుంటున్నాం. వివాహానికి ముందు ముందస్తు పరీక్షలకు వెళ్లమని ప్రజలకు సూచిస్తున్నము. ప్రజలకు అవగాహన కల్పించడానికి మేము ఒమన్ హెరిడిటరీ బ్లడ్ డిజార్డర్ అసోసియేషన్‌ని కలిగి ఉన్నాము. మస్కట్, నిజ్వా, సోహార్‌లలో ప్రత్యేక క్లినిక్‌లను కలిగి ఉన్నాము. ”అని డాక్టర్ అల్ కిండి చెప్పారు. జూన్ 19ని అధికారికంగా ప్రపంచ సికిల్ సెల్ అవేర్‌నెస్ డేగా గుర్తించడంతోపాటు, సికిల్ సెల్ వ్యాధిపై ప్రజలకు అవగాహన కల్పిస్తున్నారు.