రియాద్: సౌదీ కౌన్సిల్ ఆఫ్ హెల్త్ ఇన్సూరెన్స్ (CHI) మరియు ఇన్సూరెన్స్ అథారిటీ (IA).. యజమాని వద్ద నమోదు చేసుకున్న గృహ కార్మికులు, వారి సంఖ్య నలుగురి కంటే ఎక్కువగా ఉంటే వారికి హెల్త్ బీమా అమల్లోకి వచ్చింది. ఆరోగ్య బీమా కంపెనీ నుండి ఆమోదం పొందడం, కార్మికులందరికీ బీమాను కవర్ చేయడం వరకు మార్గదర్శకాలను విడుదల చేశారు. లబ్దిదారులందరికీ సమగ్ర ఆరోగ్య సంరక్షణ అందజేయడానికి ఈ నిర్ణయాన్ని అమలు చేయడం ప్రారంభించినట్లు పేర్కొన్నాయి.  గృహ కార్మికుల బీమా పాలసీ ప్రాథమిక ఆరోగ్య సంరక్షణ, ప్రజారోగ్యం మరియు అత్యవసర పరిస్థితులను కవర్ చేస్తుందని CHI ప్రతినిధి ఇమాన్ అల్-తారిఖీ తెలిపారు. ఇది చెల్లింపు లేకుండా ఆసుపత్రిలో చేరడం, అపరిమిత సందర్శనలతో అత్యవసర క్లినిక్ చికిత్స, టీకాలు మరియు వైద్య తనిఖీలను కలిగి ఉంటుందని వివరించారు.