పవిత్ర రమదాన్ మాస పర్యంతం ప్రయాణీకులకు ఆరోగ్యదాయకమైన స్థానిక ఆహార పదార్ధాలు కలిగిన ప్రత్యేక భోజన ఏర్పాట్లను బహూకరించే సాంప్రదాయాన్ని ఈసారి కూడా కొనసాగిస్తున్నట్టు ఖతార్ ఎయిర్ వేస్ ప్రకటించింది. దోహా మరియు గల్ఫ్, మధ్య ప్రాచ్యం మరియు లెవాంట్ ప్రాతాల మధ్య నడుపబడే విమానాలలోని ప్రీమియo మరియు ఎకానమీ రెoడు తరగతులలోనూ సాధారణ భోజనానికి ప్రత్యామ్నాయంగా నీరు, లాబాన్, ఖర్జూరాలు మరియు సుప్రసిద్ధ అరేబియన్ మిఠయిలతో పాటు హమ్ముస్. కృడైట్స్, శాఖాహార స్యాండ్విచ్,  ఎయిర్ వేస్ వారి ప్రత్యేకమైన మిక్స్డ్ ఫ్రూట్స్ అండ్ నట్స్ లతో కూడిన ఇఫ్తార్ బాక్స్ లను అందజేస్తున్నది. రమదాన్ పాటించని ప్రయాణీకులు, ఎప్పటిలాగే తమ 5-స్టార్ ఆతిధ్యాన్ని ఆనందించవచ్చునని వీరు మనవిచేశారు.

--వి.రాజ్ కుమార్(మాగల్ఫ్ ప్రతినిధి,ఖతార్)