ఒత్తిడిని సులువుగా ప్రకృతి తగ్గిస్తుంది
- June 13, 2016నిత్యం క్షణం తీరిక లేని జీవితంలో ఎన్నో సవాళ్లు. వాటిని పరిష్కరించుకునే క్రమంలో ఒత్తిడి ఆవహించడం సహజం. దాన్నుంచి తక్షణ ఉపశమనంగా ఏం చేయాలి అనేది చాలామందికి తెలియదు. మీ పరిస్థితీ అదే అయితే.. ఇలా ప్రయత్నించి చూడండి..
ఒ త్తిడిగా ఉన్నప్పుడు చెప్పుల్లేకుండా కాసేపు పచ్చని గడ్డిలో నడవండి. ఇలాంటప్పుడు ఫోను, ఇతర ఎలక్ట్రానిక్ పరికరాలేవీ చేతుల్లో లేకుండా చూసుకోండి. కనీసం పదినిమిషాలైనా పచ్చని చెట్ల మధ్య గడిపేందుకు ప్రయత్నించండి. ఇంటి ముందు తోట లేదా మొక్కల కుండీలు ఉంటే గనుక వాటికి పాదు పెట్టడం, కొమ్మలు కత్తిరించడం, నీళ్లు పెట్టడం లాంటివి చేయండి. ఈ పనులన్నీ ఒత్తిడిని సులువుగా దూరం చేస్తాయి. మనసు తేలిక పడుతుంది.
*
గజిబిజి ఆలోచనలతో మనసంతా చిందరవందరగా ఉన్నప్పుడు గోరువెచ్చని నీటిలో నిమ్మ గుణాలున్న నూనెను కొన్ని చుక్కలు కలిపి స్నానం చేయండి. ఇది మనసుకు ఎంతో హాయినిస్తుంది. గుండె కొట్టుకునే వేగాన్ని క్రమబద్ధం చేస్తుంది.
*
క్షణం తీరిక లేని పనులతో సతమతమవుతున్నప్పుడు విపరీతమైన అలసట కూడా మొదలవుతుంది. కొన్నిసార్లు అదీ ఒత్తిడికి కారణం కావచ్చు. అలాంటప్పుడు ముందు ఆ పనికి కాస్త విరామం ఇవ్వండి. రెండుమూడు నిమిషాలు కళ్లుమూసుకుని ధ్యానం చేయండి. ఈ చిన్న ప్రయత్నం ఒత్తిడిని తగ్గిస్తుంది. ఆ తరవాత చేసే పనిలో వేగం పెరుగుతుంది.
*
పొద్దున్నే లేదా సాయంత్రాలు సైకిలు తొక్కేందుకు ప్రయత్నించండి. ఇది వ్యాయామంలా ఉపయోగపడటమే కాదు, ఒత్తిడినీ చాలా సులువుగా తగ్గిస్తుంది. కనీసం ఇరవై నిమిషాలు సైకిలు తొక్కినా చాలు.. మార్పు మీకే తెలుస్తుంది. లేదంటే తాడాట ఆడేందుకు ప్రయత్నించండి
తాజా వార్తలు
- పాకిస్థాన్లో అధికారికంగా ప్రారంభమైన యోగా
- నరేంద్ర మోడీ మరోసారి ప్రధాన మంత్రి కావాలి..గల్ప్ కార్మికుల మద్దతు..!
- ప్రత్యేక లేబర్ డే ట్రీట్.. 16 మంది కార్మికులకు అరుదైన అవకాశం
- రవాబీ హైపర్మార్కెట్లో మ్యాంగో ఫియస్టా ప్రారంభం
- అవినీతి లేదా రాజద్రోహానికి పాల్పడిన అధికారులకు 'హిస్ ఎక్సలెన్సీ' బిరుదు తొలగింపు
- వరల్డ్ ప్రెస్ ఫ్రీడమ్ ఇండెక్స్ 2024..18 స్థానాలు ఎగబాకిన ఒమన్
- దుబాయ్ ఆర్ట్ గ్యాలరీలో అమ్మకానికి 'పురాతన సముద్రపు డ్రాగన్' పుర్రె
- తల్లిదండ్రులకు స్కూల్ ఫీజు పెంపు నోటిఫికేషన్లు
- తిరుమలలో భక్తుల రద్దీ..
- ఫేక్ యాప్స్కు గూగుల్ చెక్