ఖతార్‌ వ్యాప్తంగా ఔట్‌ డోర్‌లో పనిచేసే కార్మికుల కోసం పని వేళల్లో మార్పులు చేయనున్నారు. జూన్‌ 15 నుంచి ఈ కొత్త విధానం అమల్లోకి రానుంది. సుమారు 75 రోజులపాటు ఔట్‌ డోర్‌లో పనిచేసే కార్మికులకు ఉదయం 11.30 నిమిషాల నుంచి మధ్యాహ్నం 3 గంటల వరకు పని చేయకుండా వెసులుబాటు కల్పిస్తారు. ఈ మేరకు మినిస్టీరియల్‌ ఇన్‌స్ట్రక్షన్స్‌ స్పష్టంగా ఉన్నాయి. నిబంధనల్ని ఉల్లంఘించే సంస్థలపై కఠిన చర్యలు తీసుకోబడతాయి. ఇదిలా ఉండగా, మినిస్ట్రీ ఇన్‌స్ట్రక్షన్స్‌ రాకుండానే కొన్ని సంస్థలు ఇప్పటికే ఈ టైమింగ్స్‌ని అమల్లోకి తెచ్చాయి. పగటి ఉష్ణోగ్రతలు 48 డిగ్రీలు దాటిన ప్రస్తుత పరిస్థితుల్లో డైరెక్ట్‌ సన్‌ లైట్‌లో పని చేయడం కార్మికులకు చాలా ఇబ్బందికరంగా మారుతోంది. ఉదయం 11 గంటలకే ఉద్యోగులకు విరామం ప్రకటిస్తున్నాయి కొన్ని సంస్థలు. మధ్యాహ్న వేళల్లో పరిస్థితుల్ని దృష్టిలో పెట్టుకుని, ఔట్‌ డోర్‌ పనిని వాతావరణం చల్లబడిన తర్వాత, రాత్రి వేళల్లో ఎక్కువగా చేపడుతున్నాయ పలు సంస్థలు.