వెండి తెరపై తెలుగమ్మాయ్ అంజలి హవా ఎలా వున్నప్పటికీ,  ఓటీటీ తెరపై మాత్రం బీభత్సంగా వుందనిపిస్తోంది. ఈ పాటికే మూడు వెబ్ సిరీస్‌లతో తనదైన హవా చూపించింది అంజలి ఓటీటీలో.

తాజాగా ‘బహిష్కరణ’ అనే మరో వెబ్ సిరీస్‌తో వస్తోంది. ఈ వెబ్ సిరీస్‌లో అంజలి స్టన్నింగ్ రోల్ పోషించినట్లు తెలుస్తోంది. టీజర్‌తో పాటూ, రీసెంట్‌గా రిలీజ్ చేసిన ట్రైలర్‌కి ట్రెమండస్ రెస్పాన్స్ వస్తోంది. ఈ సిరీస్‌‌కి నాగార్జున మద్దతు కూడా లభించింది.

ప్రమోషన్లు బాగా చేస్తున్నారు. రీసెంట్‌గా అంజలి ‘గ్యాంగ్స్ ఆఫ్ గోదావరి’ సినిమాలో నటించిన వేశ్య పాత్రే ఈ సిరీస్‌లోనూ పోషించింది. కానీ, ఆ సినిమాలో తేలిపోయిన ఆ పాత్ర సిరీస్‌లో ఏదో మ్యాజిక్ చేయబోతోందని తెలుస్తోంది.

‘పుష్ప’ అనే పల్లెటూరి అమ్మాయి కమ్ వేశ్య పాత్రలో అంజలి నటించిన ఈ ‘బహిష్కరణ’ అనే వెబ్ సిరీస్ ఈ నెల 19 నుంచి జీ 5 ఓటీటీ ఛానెల్‌లో స్ర్టీమింగ్ కానుంది. ఇంతవరకూ రిలీజ్ అయిన ప్రచార చిత్రాలతో భారీగా హైప్ దక్కించుకున్న ఈ వెబ్ సిరీస్ అంజలికి ఎంత మేర పేరు తీసుకొస్తుందో చూడాలిక.

ఖచ్చితంగా ప్రతీ అమ్మాయి చూడదగ్గ వెబ్ సిరీస్‌గా చెబుతున్న ఈ సిరీస్‌లో అనన్య నాగళ్ల, శ్రీ తేజ్ తదితరులు ఇతర కీలక పాత్రలు పోషిస్తున్నారు.