అప్పుడెప్పుడో ఆర్జీ బాలాజీ దర్శకత్వంలో వచ్చిన ‘అమ్మోరు తల్లి’ సినిమా గుర్తే వుంటుంది. నయన తార అమ్మోరు తల్లిగా నటించిన సినిమా అది. ఆధ్యంతం వినోదం పంచుతూనే దేవుడు, భక్తి.. అనే పద్ధతిపై ఆలోచించదగ్గ ఓ మెసేజ్ అందించిన సినిమా అది.

తమిళ సినిమానే అయినా తెలుగులోనూ అమ్మోరు తల్లి అనే నేటివిటీ బాగా కనెక్ట్ అయ్యింది. దాంతో, మంచి ఆదరణ దక్కింది. కోవిడ్ టైమ్‌లో ఓటీటీలో రిలీజయ్యింది ఈ సినిమా.

ఇక, ఈ సినిమాకి ఎప్పటి నుంచో సీక్వెల్ రూపొందించాలనుకుంటున్నారు. కానీ, కుదరడం లేదు. ఇన్నాళ్లకు ఆ ముహూర్తం సెట్ అయినట్లు తెలుస్తోంది. అయితే, ఈ సినిమాలో హీరోయిన్ నయన తారే కానీ, దర్శకుడు మాత్రం మారిపోయాడు.

కొన్ని అనుకోని కారణాల వల్ల ఈ ప్రాజెక్ట్ ఆర్జీ బాలాజీ చేతిలోంచి జారిపోయిందని తెలుస్తోంది. కానీ, ఈ సినిమాకి సీక్వెల్ ఆలోచన అనేది ఆయనదే కావడంతో, అదే సినిమాకి ‘అమ్మోరు తల్లి 2’ పేరుతో తానే సీక్వెల్ రూపొందిస్తున్నారట. అయితే, అమ్మోరు తల్లి పాత్రలో నయన తారకు బదులు త్రిష నటిస్తోందనీ సమాచారం.

త్రిష ప్రస్తుతం తెలుగు, తమిళ, మలయాళ భాషల్లో స్టార్ హీరోలతో సినిమాలు చేస్తోంది. వాటితో పాటూ ఈ హీరోయిన్ సెంట్రిక్ మూవీ కూడా ఆమె లిస్టులో చేరిపోయిందన్న మాట.