హీరో లేకుండానే సినిమా ఆడియో ఫంక్షన్ జరిగిపోయింది. ఎంత చిత్రం కదా.! కొన్ని సందర్భాల్లో పలు కారణాల వల్ల హీరోయిన్ అటెండ్ కాకుండా ప్రీ రిలీజ్ ఫంక్షన్లు జరిగితే జరగొచ్చు. కానీ, సినిమా హీరో లేకుండా ఆయా సినిమాలకు సంబంధించి ఏ ఫంక్షన్లూ జరిగే సందర్భాలు చూడలేదింతవరకూ.

కానీ, లేటెస్టుగా ఓ సినిమా ఫంక్షన్‌కి హీరో హాజరు కాకుండానే కానిచ్చేశారు. అదే ‘పురుషోత్తముడు’. ఈ మధ్య లావణ్య అనే అమ్మాయి కేసులో రాజ్ తరుణ్ పేరు తెగ ట్రెండింగ్ అవుతున్న సంగతి తెలిసిందే. నాన్ సింక్‌లో తాజా మూవీ టైటిల్ వుండడం, ఈ రచ్చ జరుగుతున్న టైమ్‌‌లో కామ్‌గా ఈ సినిమా రిలీజ్ వుండడం ఒకింత ఆశ్చర్యంగానే వుంది.

లేటెస్ట్‌గా హీరోయిన్ హాసిని, మిగిలిన టెక్నికల్ టీమ్‌తో కలిసి హడావిడిగా ఈ సినిమా ప్రీ రిలీజ్ ఫంక్షన్ జరిపించేశారు. ప్రస్తుతం వున్న పరిస్థితుల్లో రాజ్ తరుణ్ ఈ సిట్యువేషన్‌ని హ్యాండిల్ చేయడం కష్టమే అనుకున్నారో ఏమో.. సైలెంట్‌గా హడావిడిగా.. ఎటువంటి ప్రశ్నలకు తావివ్వకుండా ఫంక్షన్ మమ అనిపించేశారు.

ఈ సినిమా ఈ నెల 26న ప్రేక్షకుల ముందుకు రానుంది. అలాగే మరో వారం రోజుల్లో మన పురుషోత్తమ హీరోగారి ఇంకో సినిమా కూడా రిలీజ్ వుంది. అదే ‘తిరగబడరా సామి’. మరి, ఆ సినిమా ప్రమోషన్ల పరిస్థితి కూడా ఇదేనేమో.