దుబాయ్: ఓ యువ డ్రైవర్‌ రోడ్లపై విన్యాసాలు చేస్తున్న వీడియోలు సోషల్‌ మీడియాలో వైరల్‌ కావడంతో దుబాయ్‌ పోలీసులు అతడిని అరెస్టు చేశారు. స్టంట్స్‌లో పాల్గొన్న వాహనాన్ని పోలీసులు స్వాధీనం చేసుకున్నారు. 50,000 దిర్హామ్‌లు రుసుము విధించారు. అతను చేసిన విన్యాసాలలో డ్రిఫ్టింగ్,  కారును రెండు చక్రాలపై నడపడం వంటివి ఉన్నాయి. వాహనదారుడిని వెంటనే గుర్తించి పిలిపించామని జనరల్ డిపార్ట్‌మెంట్ ఆఫ్ ట్రాఫిక్ డిప్యూటీ డైరెక్టర్ బ్రిగ్ జుమా సలేం బిన్ సువైదాన్ తెలిపారు. అతను స్టంట్ లాంటి విన్యాసాలు చేసినట్లు ఒప్పుకున్నాడని పేర్కొన్నారు.