దోహా: ఖతార్ నేషనల్ విజన్ 2030 హైడ్రోకార్బన్‌లపై తక్కువ ఆధారపడే ఆర్థిక వ్యవస్థను అభివృద్ధి చేయడమే లక్ష్యంగా ఖతార్ ఆర్థిక వైవిధ్య ప్రయత్నాలలో ఖతార్ తయారీ రంగం ప్రధాన చోదక శక్తిగా నిల్వనుంది. ఏడాది ప్రథమార్థంలో తయారీ రంగం పనితీరును హైలైట్ చేస్తూ వ్యాపారవేత్త, పరిశ్రమ నిపుణుడు ఖలీద్ అల్ బుయైనన్.. మొత్తం పారిశ్రామిక సంస్థల సంఖ్య పెరగడం ఈ రంగంలో జరుగుతున్న అభివృద్ధికి స్పష్టమైన సూచన అని అన్నారు. గింజలు, టీ, నూనెలు మరియు చక్కెర కోసం కర్మాగారాల పెరుగుదల స్వయం సమృద్ధి స్థాయిని సూచిస్తుందన్నారు.  

ఖతార్ ఇండస్ట్రియల్ పోర్టల్ డేటా ప్రకారం ఈ సంవత్సరం మొదటి అర్ధభాగంలో 967 సంస్థలు మరియు 481 లైసెన్స్ పొందిన పారిశ్రామిక సౌకర్యాలు నమోదయ్యాయి. గత దశాబ్దంలో పారిశ్రామిక రంగం వృద్ధి మరియు ఉత్పత్తిలో అగ్రగామిగా ఉందని గణాంకాలు,  సూచికలు చెబుతున్నాయి.   అదే సమయంలో మొదటి అర్ధభాగంలో నమోదిత సంస్థలలో మొత్తం పెట్టుబడులు QR229.868bn మరియు లైసెన్స్ పొందిన సంస్థలలో QR3.248bnకు చేరాయి. ఈ పరిశ్రమలను ప్రోత్సహించడానికి ఒమన్, కువైట్, సౌదీ అరేబియా మరియు ఇతర ప్రదేశాలలో జరిగిన మేడ్ ఇన్ ఖతార్ ఎగ్జిబిషన్‌లో ఖతార్ ఉత్పత్తులను ప్రదర్శించారని ఖలీద్ అల్ బుయైనన్ వివరించారు.