ప్రబాస్ - మారుతి కాంబినేషన్ మూవీ ‘రాజాసాబ్’కి సంబంధించి తాజాగా ఓ గ్లింప్స్ రిలీజ్ చేశారు. గ్లింప్స్‌లో వింటేజ్ లుక్స్‌లో కనిపిస్తున్నాడు ప్రబాస్. ప్రబాస్‌ని అలా చూసిన ఫ్యాన్స్ ఖుషీకీ అవధుల్లేవ్.

ఫ్లవర్ బొకే పట్టుకుని మెరూన్ కలర్ సూట్‌లో ఓ వింటేజ్ కారు అద్దంలో తన ముఖాన్ని చూసుకుంటున్న ప్రబాస్ హ్యాండ్‌సమ్ లుక్స్‌కి అమ్మాయిలు ఫిదా అవుతున్నారు.

రొమాంటిక్ హారర్ కామెడీ ఎంటర్‌టైనర్‌గా రూపొందుతోంది ఈ సినిమా.. అంటూ గ్లింప్స్ చివరిలో కాన్సెప్ట్ గురించి పక్కాగా ఐడియా ఇచ్చేశారు.

అలాగే, సినిమా రిలీజ్ డేట్ విషయంలోనూ లీడ్ వదిలారు. సంక్రాంతికి ఈ సినిమా రిలీజ్ అవుతుందంటూ ఇంతవరకూ ప్రచారం జరిగింది. కానీ, లేటెస్ట్ అప్‌డేట్‌లో ఏప్రిల్ 2025 అంటూ రిలీజ్ డేట్ ప్రకటించారు.

గ్లింప్స్ అదిరిపోయింది కానీ, చివరికొచ్చేసరికి ఫ్యాన్స్ గుండె బద్దలైపోయింది. సంక్రాంతికే తమ రాజాసాబ్‌ని చూసేస్తామనుకున్న ఫ్యాన్స్‌కి ఆశలన్నీ అడియాశలైపోయాయ్. ఏప్రిల్ వరకూ ఎదురు చూపులు తప్పవని డిజప్పాయింట్ అవుతున్నారు.