కేంద్రం ప్రభుత్వం ప్రతిష్ఠాత్మకంగా చేపట్టిన ఆకర్షణీయ నగరాల జాబితాలో కరీంనగర్‌కు చోటు లభించింది. హైదరాబాద్‌ స్థానంలో కరీంనగర్‌ను ఎంపిక చేసినట్లు కేంద్ర పట్టణాభివృద్ధి శాఖ ప్రకటించింది. ఈ మేరకు గురువారం ఉత్తర్వులు జారీచేసింది.
కేంద్ర ప్రభుత్వం ఇటీవల ప్రకటించిన ఆకర్షణీయ జాబితాలో తెలంగాణ నుంచి హైదరాబాద్‌; వరంగల్‌ చోటు సాధించాయి. తెలంగాణలో మూడో అతిపెద్ద నగరమైన కరీంనగర్‌ను కూడా ఆకర్షణీయ జాబితాలో చేర్చాలని పలువురు ప్రజాప్రతినిధులు విజ్ఞప్తి చేశారు. దీనిపై స్పందించిన కేంద్రం కరీంనగర్‌ను స్మార్ట్‌సిటీల జాబితాలో చేర్చింది.