మస్కట్: తప్పిపోయిన భారతీయ ప్రవాసురాలు గురించి రాయల్ ఒమన్ పోలీస్ (ROP) ఒక ప్రకటన విడుదల చేసింది. సోషల్ మీడియాలో  పుకార్లను ఖండించారు. సదరు భారతీయురాలు సురక్షితంగా మరియు క్షేమంగా ఉన్నారని ROP ధృవీకరించింది. ప్రవాసురాలు వ్యక్తిగత కారణాల వల్ల తమ కుటుంబంతో కమ్యూనికేట్ కాలేదని తెలిపారు.  "జూలై నెలలో ఒమన్ సుల్తానేట్‌కు పని చేయడానికి వచ్చిన తర్వాత ఒక భారతీయ ప్రవాసురాలు అదృశ్యమైనట్లు సోషల్ మీడియాలో ప్రచారం జరిగింది. రాయల్ ఒమన్ పోలీసులు వెంటనే స్పందించారు. వ్యక్తిగత కారణాల వల్ల ఆమె తన కుటుంబంతో కమ్యూనికేట్ కాలేదు.  ప్రస్తుతం ఆమె మంచి ఆరోగ్యంతో ఉన్నారు.” అని ROP ఒక ప్రకటనలో వెల్లడించింది.