అనిల్ రావిపూడి దర్శకత్వంలో విక్టరీ వెంకటేష్ నటించిన ప్రాంచైజీ సినిమాలు ‘ఎఫ్ 2’, ‘ఎఫ్ 3’ మంచి విజయం అందుకున్నాయ్. ఇప్పుడు ఇదే కాంబినేషన్‌లో ఇంకో సినిమా తెరకెక్కుతోన్న సంగతి తెలిసిందే.

ఆల్రెడీ ఎప్పుడో ఈ సినిమా స్టార్ట్ అయ్యింది. కానీ, వెంకటేష్ లేకుండానే కొన్ని కీలక ఘట్టాలు తెరకెక్కించారు. లేటెస్ట్‌గా ఈ సినిమా సెట్స్‌లోకి వెంకటేష్ ఎంట్రీ ఇచ్చారు.

ఇంతవరకూ వెంకటేష్ ‘రానా నాయుడు 2’ వెబ్ సిరీస్‌తో బిజీగా వుండడం వల్ల ఈ షూటింగ్‌కి అటెండ్ కాలేకపోయాడు. వెంకీ లేని సీన్లను ఫస్ట్ షెడ్యూల్‌లో పూరి చేసేశాడు అనిల్ రావిపూడి.

ఇక రెండో షెడ్యూల్‌లో వెంకటేష్‌పై కీలక సన్నివేశాలు పూర్తి  చేయనున్నాడు. ఈ కాంబినేషన్‌లో బాగా అచ్చొచ్చిన సంక్రాంతి టార్గెట్‌గా ఈ సినిమాని పూర్తి చేయాలనుకుంటున్నాడు అనిల్ రావిపూడి.

‘ఎక్స్ గర్ల్‌ప్రెండ్ ఎక్స్‌లెంట్ వైఫ్’ టైటిల్‌తో రూపొందుతోన్న ఈ సినిమాని క్రైమ్ థ్రిల్లర్‌గా వెంకీ అండ్ అనిల్ రావిపూడి స్టైల్ ఎంటర్‌ట‌ైన్‌మెంట్ టోన్‌లో తెరకెక్కించబోతున్నారు.

మీనాక్షి చౌదరి, ఐశ్వర్య రాజేష్ ఈ సినిమాలో వెంకటేష్‌కి జోడీగా నటిస్తున్నారు. దిల్ రాజు నిర్మాణంలో ఈ సినిమా రూపొందుతోంది.