బహ్రెయిన్: వివాహ ప్రణాళిక సంస్థపై ఓ నూతన వధువు కోర్టుకెక్కింది. ఈవెంట్ కంపెనీ తన వాగ్దానాలను నెరవేర్చడంలో విఫలమైందని తన దావాలో పేర్కొంది. పెళ్లి రోజును మరియు గణనీయమైన ఆర్థిక నష్టాలను మిగిల్చిందని, ఒప్పందాన్ని ఉల్లంఘించిందని కోర్టుకు తెలిపింది. తనకు జరిగిన నష్టానికి ఈవెంట్ యజమాని నుంచి పరిహారం ఇప్పించాలని వధువు తరఫు న్యాయవాది కోరారు.
ఒక హోటల్‌లో తన వివాహాన్ని ఏర్పాటు చేయడానికి వధువు కంపెనీతో ఒప్పందంపై సంతకం చేసిందని,  మొత్తం 8,000 దినార్లతోపాటు అదనపు భోజనం సదుపాయం కోసం అదనంగా 920 దినార్లు చెల్లించినట్టు దావాలో పేర్కొన్నారు.అయితే, కంపెనీ తన బాధ్యతలను నెరవేర్చడంలో విఫలమైందని, ముందుగా అనుకున్న పెళ్లి మండపాన్ని బుక్ చేయలేదని, కాంట్రాక్ట్ నిబంధనలను పూర్తిగా బేఖాతరు చేసిందని వధువు దావాలో వెల్లడించింది.
కేసును విచారించిన కోర్టు..వధువుకు అనుకూలంగా తీర్పునిచ్చింది. ఒప్పందాన్ని రద్దు చేసి, క్లెయిమ్ చేసిన తేదీ నుండి పూర్తిగా తిరిగి చెల్లించే వరకు 3% వార్షిక వడ్డీతో పాటు వధువుకు పూర్తి మొత్తం 10,920 దినార్లను తిరిగి చెల్లించాలని కంపెనీని ఆదేశించింది. వధువు లీగల్ ఫీజులు మరియు ఖర్చులను భరించాలని కోర్టు కంపెనీని ఆదేశించింది.