యూఏఈ: యూఏఈలో  పాఠశాలలు తిరిగి ప్రారంభం, నివాసితులు వేసవి సెలవుల నుండి తిరిగి రావడంతో గత కొన్ని రోజులుగా రోడ్లపై రద్దీ అధికంగా ఉందని వాహనదారులు, ప్రయాణికులు తెలిపారు. ఉదాహరణకు..దుబాయ్‌లో సాలిక్ ట్యాగ్‌ల ఆధారంగా రిజిస్టర్డ్ వాహనాలు ఇప్పుడు 4.2 మిలియన్లకు చేరుకున్నాయి. గత ఏడాది మొదటి ఆరు నెలలతో పోలిస్తే ఇది 8.8 శాతం పెరిగింది. ఐదు సంవత్సరాల క్రితం రోడ్స్ అండ్ ట్రాన్స్‌పోర్ట్ అథారిటీ (RTA) అందించిన డేటా ప్రకారం.. ప్రతి ఇద్దరు నివాసితులకు ఒక కారు లేదా 1,000 మందికి 540 వాహనాలు ఉన్నాయి. న్యూయార్క్, లండన్, సింగపూర్ మరియు హాంకాంగ్ వంటి నగరాల్లో 1,000 మంది నివాసితులకు వరుసగా 305, 213, 101 మరియు 63 వాహనాలు ఉన్నాయి.

2006లో దుబాయ్‌లో నమోదైన వాహనాల సంఖ్య దాదాపు 740,000 మాత్రమే. ఇది 2015లో 1.4 మిలియన్లకు రెండింతలు పెరిగింది.  2020 నాటికి 1.83 మిలియన్లకు చేరుకుంది. 

న్యూయార్క్ యూనివర్శిటీ అబుదాబి (NYUAD)లో గ్రాడ్యుయేట్ అఫైర్స్ కోసం ఇంజినీరింగ్ అసోసియేట్ డీన్ డాక్టర్ మోనికా మెనెండెజ్ మాట్లాడుతూ.. ఈవెన్ ఆడ్ పథకాన్ని రోడ్ స్పేస్ రేషనింగ్ అని కూడా పిలుస్తారు. లైసెన్స్ ప్లేట్ ముగింపు సంఖ్యపై ఆధారపడి ఉంటుంది. అంటే 1 మరియు 2తో ముగిసే కార్ ప్లేట్‌లు ఉన్న వాహనాలు సోమవారం రోడ్డుపైకి అనుమతించబడవు. మంగళవారం 3 మరియు 4; బుధవారం 5 మరియు 6; గురువారం 7 మరియు 8; శుక్రవారం 9 మరియు 0. వారాంతాల్లో శని, ఆదివారాల్లో అన్ని వాహనాలను రోడ్డుపైకి అనుమతిస్తారు. “ఈ పథకం మెక్సికో సిటీ, ఏథెన్స్ మరియు బీజింగ్‌తో సహా ప్రపంచవ్యాప్తంగా అనేక నగరాల్లో అమలు చేస్తున్నారు. కొన్ని నగరాలు దీనిని శాశ్వత లేదా పాక్షిక-శాశ్వత ప్రాతిపదికన ఉపయోగించగా, ఇతర నగరాలు నిర్దిష్ట రోజులలో మాత్రమే ఉపయోగించాయి. వాయు కాలుష్యాన్ని తగ్గించడానికి తరచుగా అమలు చేయబడిన ఈ విధానం వివిధ స్థాయిలలో విజయాన్ని సాధించింది, ”అని అన్నారు. ట్రాఫిక్ సంబంధిత సమస్యలన్నింటినీ పరిష్కరించగల ఏకైక వ్యూహం అంటూ ప్రత్యేకంగా ఉండదని పేర్కొన్నారు.