భారీ అంచనాలతో ఆగస్టు 15న ప్రేక్షకుల ముందుకొచ్చిన సినిమా ‘మిస్టర్ బచ్చన్’. హరీష్ శంకర్, రవితేజ కాంబినేషన్‌లో మూడో సినిమాగా వచ్చిన సినిమా ఇది.

సినిమాని తొందరగానే కంప్లీట్ చేశారు. రీమేక్ మూవీ కదా అందుకేమో. కానీ, ప్రమోషన్లు బాగానే చేశారు. అయినా సినిమాలో కంటెంట్ వుండాలిగా. రీమేకుల స్పెషలిస్ట్ అయిన హరీష్ శంకర్ ఎందుకో ఫెయిలయ్యాడు.

రవితేజకు టైమ్ అస్సలు బాగా లేదు. దాంతో, హిట్టు రీమేక్ అయినా ఫట్ అయిపోయింది. దాంతో నిర్మాతలు భారీగా నష్టపోయారు.

ఆ నష్టాన్ని పూడ్చే పనిలో పడ్డారు హీరో, దర్శకుడు. తమ రెమ్యునరేషన్లలో కోతలు విధించుకున్నారు. రవితేజ తన రెమ్యునరేషన్‌లో నాలుగు కోట్లు వెనక్కి తిరిగిచ్చేశాడు.

అలాగే, హరీష్ శంకర్ రెండు కోట్లు తిరిగిచ్చేశాడనీ సమాచారం. ఎన్ని కమర్షియల్ ఎలిమెంట్స్ గుప్పించినా ‘మిస్టర్ బచ్చన్’ ఎందుకో జనానికి ఎక్కలేదు.

సెలవులు కూడా ‘మిస్టర్ బచ్చన్’ని ఆదుకోలేకపోయాయ్. ఈ సినిమాతో భాగ్యశ్రీ బోర్సే హీరోయిన్‌గా పరిచయమైన సంగతి తెలిసిందే.