ఎన్టీయార్ - కొరటాల శివ కాంబినేషన్‌లో రూపొందుతోన్న సినిమానే ‘దేవర’. ఈ నెల అంటే సెప్టెంబర్ 27న ప్రేక్షకుల ముందుకు రానుంది.

గ్లోబల్ స్టార్ ట్యాగ్ వచ్చాక ఎన్టీయార్ నుంచి వస్తున్న సినిమా ఇది. అంటే ఏ రేంజ్‌లో వుండాలి. కానీ, ‘దేవర’కు అంత సీనుందా.? అంటే పెదవి విరిచేస్తున్నారు కొందరు.

అందుకు కారణం అస్సలు క్వాలిటీ లేని పాటలే. ఇంతవరకూ మూడు పాటలు రిలీజ్ చేశారు. రెస్పాన్స్ సో సోగానే వుంది ఈ మూడు పాటలకు. రీసెంట్‌గా వచ్చిన సాంగ్‌కి మిశ్రమ స్పందన వస్తోంది. డాన్స్ బాగానే చేశాడు కానీ, పాట లిరిక్స్‌లో కానీ, బ్యాక్ గ్రౌండ్ సెట్ వర్క్‌లో కానీ అస్సలు క్వాలిటీ, రిచ్‌నెస్ కనిపించడం లేదు.

ప్యాన్ ఇండియా సినిమా అంటే ఇలా వుంటే సరిపోతుందా.? సినిమా రిలీజ్ డేట్ కూడా దగ్గర పడుతోంది. మరి, ప్రమోషన్ల సంగతేంటీ.? అది కూడా అర్ధం కావడం లేదు.

కొరటాల శివ చేసిన సినిమాలన్నీ ఓ ఎత్తు. ఈ సినిమా మరో ఎత్తు. తన రెగ్యులర్ స్ట్రేటజీని పక్కన పెట్టి ఈ సినిమా కోసం కొత్త మార్గాన్ని అనుసరిస్తాడా ప్రమోషన్లలో..సోషల్ మీడియా వేదికగా ట్రోల్స్ వస్తూనే వున్నాయ్. అసలు నిర్మాణ సంస్థలైన యువసుధా ఆర్ట్స్, ఎన్టీయార్ ఆర్ట్స్ ఏం చేస్తున్నాయ్. ఇలా అయితే, ‘దేవర’ గట్టెక్కడం కష్టమే సుమీ.! ఇదీ నెటిజన్ల అభిప్రాయం.