యూఏఈ: ఫిలిప్పీన్స్‌లో 100 మందికి పైగా పిల్లలపై లైంగిక వేధింపులకు పాల్పడినట్లు ఆరోపణలు ఎదుర్కొంటున్న ఫిలిప్పీన్స్ వ్యక్తిని యూఏఈలో అరెస్టు చేశారు. నిందితుడిని అప్పగించమని యూఏఈని కోరినట్టు అధికారిక పర్యటన కోసం ఇక్కడకు వచ్చిన ఫిలిప్పీన్స్ అంతర్గత హోం శాఖ (DILG) కార్యదర్శి బెంజమిన్ 'బెన్‌హూర్' అబాలోస్ జూనియర్ తన అధికారిక ఫేస్‌బుక్ ఖాతాలోక వెల్లడించారు.  దుబాయ్‌లో ఫిలిపినో కమ్యూనిటీతో జరిగిన సమావేశంలో ఈ మేరకు ప్రకటించారు.  మానవ అక్రమ రవాణాకు వ్యతిరేకంగా ఫిలిప్పీన్స్ ప్రభుత్వం బలమైన పోరాటంలో ఇది భారీ ముందడుగుగా పేర్కొన్నారు.  నిందితుడు బాధితుల ఫోటోలు, వీడియోలను విదేశీయులకు విక్రయించి, ఆన్‌లైన్‌లో డబ్బులను అందుకునేవాడు. ఇంటర్‌పోల్ జారీ చేసిన రెడ్ నోటీసు జారీ తర్వాత యూఏఈలో అతడిని అరెస్టు చేశారు.  అయితే, అరెస్ట్‌పై యూఏఈ అధికారులు ఇంకా అధికారికంగా ప్రకటన చేయాల్సి ఉంది.