రియాద్: అబ్షెర్ ప్లాట్‌ఫారమ్ ద్వారా ఒక మిలియన్ కంటే ఎక్కువ జాతీయ ID కార్డ్ పునరుద్ధరణలను నిర్వహించినట్టు అంతర్గత మంత్రిత్వ శాఖ వెల్లడించింది. 2022లో ఎలక్ట్రానిక్ సర్వీస్‌ను ప్రారంభించినప్పటి నుంచి సరికొత్త ఫేషియల్ రికగ్నిషన్ టెక్నాలజీలను ఉపయోగించడం ద్వారా ఈ ఘనత సాధ్యమైందని వెల్లడించింది. అబ్షర్ ప్లాట్‌ఫారమ్ ద్వారా ఎలక్ట్రానిక్‌గా వ్యక్తిగత ఫోటోను అప్‌లోడ్ చేయడం ద్వారా జాతీయ ID కార్డ్ పునరుద్ధరణ సేవ నుండి ప్రయోజనం పొందారు. పౌర హోదా కార్యాలయాలను వ్యక్తిగతంగా సందర్శించాల్సిన అవసరం లేకుండా ID గడువు ముగిసే 180 రోజుల ముందు పునరుద్ధరణ అవుతుంది.