మస్కట్:  షిఫా యాప్‌లో కొత్త సేవను ప్రారంభించినట్టు ఆరోగ్య మంత్రిత్వ శాఖ అండర్ సెక్రటరీ డాక్టర్ అహ్మద్ సలీం అల్ మంధారి తెలిపారు.  హెల్త్‌కేర్ ఇన్‌స్టిట్యూషన్‌లలో మిస్ అయ్యే అపాయింట్‌మెంట్‌ల సంఖ్యను  తగ్గించడం కొత్త సర్వీస్ లక్ష్యమని తెలిపారు. కొత్త మార్పు ప్రకారం.. అతని/ఆమె అపాయింట్‌మెంట్‌ టైమ్ దాటగానే వారి ఫోన్‌కు మెసేజ్ వెళుతుంది. రోగి షిఫా యాప్‌ని యాక్సెస్ చేసి సరైన కారణాలను తెలపాలి. ఈ సమాచారం ఆధారంగా ఆరోగ్య మంత్రిత్వ శాఖ మిస్ అయిన అపాయింట్‌మెంట్‌ల కారణాలను విశ్లేషిస్తుంది. ఈ చొరవ అపాయింట్‌మెంట్ వృధాను తగ్గించడానికి, అందించిన ఆరోగ్య సంరక్షణ సేవల నాణ్యతను మెరుగుపరచడానికి ఉపయోగపడుతుందని పేర్కొన్నారు.