కువైట్: రెసిడెన్సీ ఉల్లంఘనలపై కువైట్ ఉక్కపాదం మోపుతోంది.  గడిచిన రెండు వారాల్లో రెసిడెన్సీ చట్టాన్ని ఉల్లంఘించిన 1,461 మందిని అరెస్ట్ చేసినట్టు అంతర్గత మంత్రిత్వ శాఖ తెలిపింది.  వారందరిపై అవసరమైన చట్టపరమైన చర్యలు తీసుకుంటామని, వారిని దేశం నుండి బహిష్కరించడానికి సంబంధిత అధికారులకు అప్పగించినట్టు పేర్కొంది.  రెసిడెన్సీ చట్టాన్ని ఉల్లంఘించిన వారిని అరెస్టు చేయడానికి దేశవ్యాప్తంగా భద్రతా తనిఖీలు కొనసాగుతాయని వెల్లడించింది. భద్రతా సిబ్బందికి సహకరించాలని, ఎమర్జెన్సీ నంబర్ (112)కు కాల్ చేయడం ద్వారా ఉల్లంఘించినవారి వివరాలను తెలపాలని మంత్రిత్వ శాఖ కోరింది.