యూఏఈ:  వేసవిలో బహిరంగ ప్రదేశాల్లో మధ్యాహ్నం 12.30 నుండి 3 గంటల వరకు పని చేయడంపై నిషేధం సెప్టెంబర్ 15 తో ముగియనుంది. ఈ మేరకు మానవ వనరులు మరియు ఎమిరాటైజేషన్ మంత్రిత్వ శాఖ (మోహ్రే) ప్రకటించింది. 99.9 శాతం కంపెనీలలో ఈ కార్యక్రమం  విజయవంతమైందని మోహ్రే తెలిపింది. డెలివరీ సర్వీస్ వర్కర్ల కోసం మధ్యాహ్న విరామ సమయంలో 6వేల రెస్ట్ స్టేషన్లను ఏర్పాటు చేసినట్టు పేర్కొంది., మంత్రిత్వ శాఖ సుమారు 1.34లక్షల తనిఖీలను నిర్వహించగా, కేవలం 51 ఉల్లంఘనలు మాత్రమే నమోదు అయినట్టు మోహ్రే చెకింగ్ అసిస్టెంట్ అండర్ సెక్రటరీ మోసిన్ అల్ నస్సీ వెల్లడించారు. మిడ్ డే బ్రేక్ చొరవ జూన్ 15 నుండి అమల్లోకి వచ్చిన విషయం తెలిసిందే.