యూఏఈ: దక్షిణ భారత రాష్ట్రమైన కేరళ నుండి వచ్చిన ప్రవాసులు యూఏఈలో ఓనంను వైభవంగా జరుపుకున్నారు.  కార్యాలయాలు, ఇళ్ల వద్ద నిర్వహించిన వేడుల్లో వివిధ దేశాలకు చెందిన అనేక మంది ప్రజలు పాల్గొని ఆకట్టుకున్నారు.   

కేరళీయులు ఓనం కోసం తమ సంప్రదాయ దుస్తునలు ధరిస్తారు.  పూకలం అని పిలువబడే అందమైన పూల తివాచీలను ఏర్పాటు చేస్తారు. ఈ సందర్భంగా 20కి పైగా విభిన్న వంటకాలను ఓనం విందులో వడ్డిస్తారు.   "నేను చీర కట్టుకున్నాను. అరటి ఆకులో వడ్డించిన విందును ఆస్వాదించాను. టగ్ ఆఫ్ వార్‌లో కూడా పాల్గొన్నాను. తన ఆఫీసులోని వివిధ విభాగాల మధ్య స్నేహపూర్వక వాతావరణం ఆకట్టుకుంది." అని, ఐరిష్ ప్రవాస బ్రెండా లాలర్ తెలిపారు. తన సహోద్యోగులతో కలిసి ఓనం వేడుకల్లో పాల్గొనడం మొదటిసారి అని బ్రెండా వెల్లడించింది.