మస్కట్: ఒమన్ సుల్తానేట్‌లోకి అక్రమంగా ప్రవేశించేందుకు ప్రయత్నించిన 20 మందికి పైగా వ్యక్తులను రాయల్ ఒమన్ పోలీసులు (ఆర్‌ఓపి) అరెస్టు చేశారు. ఈ మేరకు ఆన్‌లైన్‌లో విడుదల చేసిన ఒక ప్రకటనలో తెలిపారు. నార్త్ అల్ బతినా గవర్నరేట్ పోలీసుల నేతృత్వంలోని కోస్ట్ గార్డ్ పోలీసులు తనీఖీలు చేపట్టారు. అదే సమయలో పడవలలో 25 మంది ఆసియా జాతీయులకు చెందిన వ్యక్తులు అక్రమంగా దేశంలోకి ప్రవేశించడానికి ప్రయత్నిస్తున్నారు. వెంటనే అలెర్టయిన అధికారులు పడవలను ఆపి అందులో ఉన్న వ్యక్తులను అదుపులోకి తీసుకొని విచారించారు. వారిపై చట్టపరమైన ప్రక్రియలు పూర్తవుతున్నాయని వెల్లడించారు.