కువైట్: కాన్వాస్‌ పై 14 మీటర్ల పెయింటింగ్ ద్వారా కువైట్ ఆర్టిస్ట్ ఇబ్రహీం శుక్రల్లా.. సాంప్రదాయ కువైట్ వివాహాల సంప్రదాయాలను శక్తివంతమైన, కళాత్మక కోణంలో చిత్రీకరించారు. ఈ 14 మీటర్ల కళాకృతి కువైట్ వివాహ సంప్రదాయాలలోని వివిధ దశలను కళ్లకు కట్టినట్లు తెలియజేస్తుంది. నిశ్చితార్థంతో ప్రారంభమైన ఆర్ట్‌వర్క్ ..  డాజా (వధువుకు బహుమతి) ఆపై వివాహ ఒప్పందం "మెల్చా", కుటుంబ సభ్యులు స్నేహితులు సాక్షిగా, యెల్వా (వధువు కోసం వేడుక), వరుడు పెళ్లి తర్వాత వారి కొత్త ఇంటికి "జఫా" ఊరేగింపు దృశ్యాలను వినూత్న రీతిలో తెలియజేశారు. ఇది కువైట్ చారిత్రక డాక్యుమెంటేషన్‌గా నిలిచే ఒక విశేషమైన ఆర్ట్ వర్క్ గా ప్రశంసలు పొందుతుంది.