మస్కట్: అరేబియా సముద్రానికి ఆగ్నేయంలో ఉష్ణమండల అల్పపీడనం ఏర్పడే అవకాశం ఉందని, మరో రెండు రోజుల్లో తీవ్ర అల్పపీడనంగా మారే అవకాశం ఉందని నేషనల్ ఎర్లీ వార్నింగ్ సెంటర్ ఫర్ మల్టిపుల్ హజార్డ్స్ అలెర్ట్ జారీ చేసింది. “ఉష్ణమండల వ్యవస్థ పశ్చిమంగా దోఫర్ గవర్నరేట్ -గల్ఫ్ ఆఫ్ ఏడెన్ తీరాల వైపు కదులుతుంది.  దోఫర్, అల్ వుస్తా, సౌత్ అల్ షర్కియా గవర్నరేట్‌లు ప్రభావితం అయ్యే అవకాశం ఉంది. అక్టోబరు 14, రాత్రి నుండి వివిధ ప్రాంతాలలో వర్షాలు కురిసే అవకాశం ఉంది.’’ అని సివిల్ ఏవియేషన్ అథారిటీ ఒక నివేదికలో వెల్లడించింది.